By Хоёр улсын зураачдын 2007 оноос эхэлсэн “Талын салхи” хамтын ажиллагааны үргэлжлэл болсон энэхүү арга хэмжээ нь залуу зураачдын уран бүтээлийг сурталчлах, харилцан туршлага солилцох, хамтарсан бүтээл туурвих, салбарын харилцааг өргөжүүлэх зорилгын хүрээнд зохион байгуулагдлаа. Энэ удаагийн арга хэмжээнд ОХУ-ын Урчуудын эвлэлийн гишүүн, дүрслэх урлагийн сургуулийн багш, чөлөөт уран бүтээлчдээс бүрдсэн 10-аад зураач уригдан ирж, 2025 оны 07 сарын 03-аас 06-ны өдрүүдэд угсаатны өв уламжлал, байгалийн унаган төрхийг харуулсан уран зургуудыг бүс нутгийн ахуй амьдрал, байгалийн цогцолборыг зорьж очин зурж, тэрхүү шинэ бүтээлүүдээрээ 2025 оны 07 сарын 07-ны өдөр аймгийн музейд уран зургийн үзэсгэлэн гаргалаа.
