By XVII жарны “Сүрээр дарагч” хэмээх гал морин жилийн сар шинийн баярыг тохиолдуулан Өлгий сумын Ерөнхий боловсролын 3 дугаар сургуулийн Монгол хэл, бичгийн багш М.Алтанзул, 2 дугаар сургуулийн Монгол бичгийн багш Н.Ариунзаяа нар бийрэн бичлэгийн үзэсгэлэнг аймгийн Хөгжимт драмын Театрт 2026 оны 02 дугаар сарын 12, 15-ны өдрүүдэд зохион байгууллаа. Уг үзэсгэлэнд СУАЖЗГ-аас санаачлан аймгийн төрийн үйлчилгээний нэгдсэн төвд үйл ажиллагаа явуулдаг 16 байгууллагын нэрийг үндэсний бичгээр бичүүлж тус бүтээлүүдийг байгууллагуудын удирдлагуудад гардуулан өглөө.
